लगानीन्युज/काठमान्डौ: शाईन रेसुङ्गा डेभलपमेन्ट बैंकले आर्थिक वर्ष ७४/७५ को संचित मुनाफाबाट लगानीकर्तालाई १८ प्रतिशत बोनस शेयर र कर प्रयोजनाकालागि शुन्य दशमलव ९५ प्रतिशत नगद लाभास दिने निर्णय संचालक समितिले गरेको छ।
प्रस्तावित लाभास नेपाल रास्ट्र बैंक बाट स्वीकृत र आगामी साधारण सभाले पारित गर्नु पर्ने छ।
रास्ट्र बैंकले १० जिल्ला सम्म कार्य क्षेत्र भएको विकास बैंकलाई १ अर्ब २० करोड पुँजीको लक्ष्य दिएको थियो। बैंकले सो लक्ष्य हासिल गरिसकेको अवस्थामापनि आर्थिक वर्ष ७४/७५को लागि बोनस शेयर प्रस्ताव गरेको हो ।
शाईन रेसुङ्गा डेभलपमेन्ट बैंकको विगत हेर्दा पनि बैंकले लगानीकर्तालाई राम्रो प्रतिफल दिदै आएको अवस्था थियो ।
शाईन रेसुङ्गाको चुक्ता पुँजी १ अर्ब ३७ करोड रहेको छ। प्रस्तावित बोनस शेयर पछी कम्पनीको पुँजी १ अर्ब ६२ करोड पुग्ने छ।
