तनहुँ जिल्ला अदालतद्वारा करणी मुद्दामा विशाललाई १८ वर्ष कैद फैसला - Lagani News

Post Top Ad

Monday, February 12, 2024

तनहुँ जिल्ला अदालतद्वारा करणी मुद्दामा विशाललाई १८ वर्ष कैद फैसला

 


दमौली । तनहुँ जिल्ला अदालतले जबर्जस्ती करणी मुद्दामा एक अभियुक्तलाई १८ वर्ष कैद फैसला सुनाएको छ । 


जिल्ला न्यायाधीश कमलराज विष्टको आइतबारको इजलासले प्रतिवादी म्याग्दे गाउँपालिका–७ का विशाल विकलाई १८ वर्ष कैद फैसला सुनाएको हो । साथै निजविरुद्ध १ लाख रुपैयाँ जरिवानाको फैसला भएको अदालतका स्रेस्तेदार केशवप्रसाद पौडेलले  जानकारी दिए । 


परिवर्तित नाम २०७८/७९ चबहादुरले निजविरुद्ध जाहेरी दिएका थिए । प्रहरीले प्रतिवादीविरुद्ध विसं २०७८ असोज १२ गते अदालतमा जबर्जस्ती करणीमा मुद्दा दर्ता गरेको थियो । उक्त मुद्दामा अदालतमा १२ पटक पेसी तोकिएको थियो । 


यही माघ २१ गते न्यायाधीश विष्टकै इजलासले उक्त मुद्दामा आदेश सुनाउँदै सजाय निर्धारणका लागि पेस गर्न भनेको थियो । सोहीबमोजिम आइतबार निजविरुद्ध कैद फैसला भएको अदालतले जनाएको छ । 


Pages