ग्लोबल आईएमई बैंकको अफरः १० वर्षसम्म ९.९९ प्रतिशत स्थिर ब्याज दरमा घर कर्जा - Lagani News

Post Top Ad

Monday, February 12, 2024

ग्लोबल आईएमई बैंकको अफरः १० वर्षसम्म ९.९९ प्रतिशत स्थिर ब्याज दरमा घर कर्जा



काठमाडौं । ग्लोबल आईएमई बैंकले १० वर्षसम्मको अवधिका लागि ९.९९ प्रतिशत स्थिर ब्याजदरमा अधिकतम् १२ करोड रुपैयाँसम्म कर्जा उपलब्ध हुने विशेष घर कर्जा योजना सार्वजनिक गरेको छ । 


बैंकले सस्तो तथा सरल किस्ताबन्दीमा घर निर्माण तथा खरिदलाई लक्षित गरी निश्चिन्त आवास योजना (घर कर्जा) सार्वजनिक गरेको हो । साथै, उक्त विशेष घर कर्जा योजना अन्तर्गत अन्य बैंक वित्तीय संस्थाबाट कर्जा उपभोग गरिरहेकाहरुले सहज ररूपमा कर्जा सार्नसमेत सक्नेछन् । 


यस विशेष घर कर्जा योजनाअन्तर्गत सेवाग्राहीले १० वर्षसम्मको अवधिका लागि ९.९९ प्रतिशत व्याजदरमा, १० देखि १५ वर्षसम्मको लागि १०.४९ प्रतिशत र १५ वर्षभन्दा बढी अवधिका लागि १०.९९ प्रतिशतको स्थिर ब्याजदरमा १२ करोड रुपैयाँसम्म घर कर्जा लिन पाउनेछन् । 



बैंकले ग्राहकलाई छिटो, छरितो एवंम सहज रुपमा कर्जा प्रवाह गर्ने उद्देश्यमा निहित रहीे आवश्यक कागजातहरु पेस गरेको २ कार्य दिन भित्र कर्जा प्रवाह गर्नेछ ।


Pages